Коронавирус: Латвия Президенти инфекция юқтирди, Франция фавқулодда ҳолат режимини узайтирди

Ҳукумат маълумотларига кўра, Франция COVID-19 туфайли фавқулодда ҳолат режимини 2022 йил 31 июлгача узайтирмоқчи.

Бу, ўз навбатида, расмийларга ресторан, бар ва кинотеатрларга кириш учун санитария рухсатномаларидан фойдаланиш каби чеклов чораларини узайтириш имконини беради.

Латвия Президенти Эгилс Левитс коронавирус учун шошилинч текширув ўтказишни буюрди. Синов натижаларига кўра, у инфекция юқтирган. Бу ҳақда Президент матбуот хизмати хабар берди.

Коронавирус туфайли Эгилс Левитс Ригага келган Эстониянинг янги Президенти Aлар Карис билан режалаштирилган учрашувни кейинга қолдирди.

Бирлашган Миллатлар Ташкилотининг маълум қилишича, 160 миллионга яқин одам пандемия туфайли очликдан ўлмоқда.

«Бундан ташқари, 120 миллионга яқин одам қашшоқликда яшамоқда, 100 миллион бола эса таълим олишда қийналмоқда», - дейди ташкилот Бош котиби Aнтониу Гутерриш.