Коронавирус: асимптоматик беморларга фойдаси йўқ дорилар номи эълон қилинди
«Коронавирус инфекциясининг аломатлари кам ёки умуман бўлмаган беморларни уйда даволаш керак. Албатта, шифокорлар бундай беморларнинг даволанишини кузатиб боришлари керак. Кам симптомли коронавирус патогенетик даволанишни талаб қилмайди, хусусан, вирусга қарши, антибактериал, антитромботик дориларни тайинлаш керак эмас. Бундай беморлар уйда даволаниб, оқсил моддага бой таомларни истеъмол қилишлари ва кўп миқдорда суюқлик ичишлари керак. Уларга C ва Д витаминлари, шунингдек, иситма бўлса парацетамол ва ибупрофен каби тана ҳароратини туширадиган дорилар буюрилади», - деди шифокор.
Унинг айтишича, С витамини кўп дозада қабул қилинса, буйрак, сийдик-тош касаллиги хавфини ошириши мумкинлигини ёдда тутиш керак.
Агар тана ҳарорати 38 даражадан ошса, мушакларда оғриқ, заифлик, бош оғриғи, йўтал, кўкрак оғриғи бўлса, пневмониянинг олдини олиш учун шифокор билан маслаҳатлашинг. Бунинг учун кўкрак қафасининг рентген текшируви ёки компютер томографияси қилинади.
«Коронавирус инфекциясини этиотропик (асосий) даволаш - бу вирусга қарши дориларни тайинлашдир. Ҳозирги кунда Лопинавир/Ритонавир, Гидроксихлорохин, Фавипиравир ва Ремдесевир каби дорилар КВИни даволаш учун буюрилади. Шуни таъкидлаш керакки, ушбу дорилар маълум бир хавф туғдиради ва юрак ва жигарга токсик таъсир кўрсатади. Шу муносабат билан, асимптоматик беморларга ушбу дориларни мустақил равишда қабул қилиш керак эмас. Ушбу дориларни фақат стационар шароитда шифокорлар бериши мумкин», - деди Раушан Қарабаева.
Муаллиф: Айжан Серикжанқизи