Қоҳирада кўп қаватли уй қулаши оқибатида 22 киши ҳалок бўлди
Аввалроқ 18 киши ҳалок бўлганлиги ҳақида хабар берилган эди. Уч кишининг бедарак йўқолгани ҳақида хабар қилинмоқда. Уларни қидириш давом этмоқда. 25 киши қутқарилди.
Фожиа тунда пойтахтнинг шарқида, аҳоли зич жойлашган Гиср-эс-Суэйс ҳудудида содир бўлган.
Кун бўйи қутқарувчилар тирик қолганларни қидириб ва вайроналарни махсус техника ёрдамида демонтаж қилдилар. Кечқурун мутахассислар қўшни биноларнинг тузилмаларига таҳдид соладиган хавфларни аниқлаш учун қулаб тушган 10 қаватли бино яқинида жойлашган биноларни текширишни бошлади.
Дастлабки маълумотларга кўра, уй эгаси юқори олти қаватни ноқонуний равишда қўшиб қўйган. Дастлаб 2011 йилда қурилган уй тўрт қаватли эди. Гувоҳларнинг сўзларига кўра, бир неча кун олдин пастки қаватдаги дўконнинг эгаси деворларни бузиб, бир нечта устунларни бузиб, қайта қуришни бошлаган.