Қасим-Жомарт Тоқаев БМТ Бош котибининг махсус вакили билан учрашди
Учрашувда Афғонистондаги инқирозни барқарорлаштириш, гуманитар ёрдам кўрсатиш ва ижтимоий-иқтисодий вазиятни тиклаш бўйича халқаро саъй-ҳаракатлар доирасида Қозоғистон ва БМТ ўртасидаги ҳамкорлик истиқболлари муҳокама қилинди.
Президент Қозоғистон халқаро ҳамжамият билан терроризм ва экстремизмга қарши курашиш, Афғонистонга гуманитар ёрдам кўрсатиш, афғон талабалари учун таълим дастурларини давом эттириш бўйича ҳар томонлама ҳамкорликни давом эттириш тарафдори эканини тасдиқлади.
Дебора Лайонс Президентга кеча Алматида бўлиб ўтган Европа Иттифоқи ва Марказий Осиё бўйича махсус вакилларининг Афғонистон бўйича иккинчи учрашуви якунлари, шунингдек, UNAMA ваколатхонаси томонидан Афғонистонни қайта тиклаш бўйича кўрилаётган чора-тадбирлар ҳақида маълумот берди.
БМТ олий вакили Қозоғистон Президентига БМТнинг Афғонистондаги миссиясини қўллаб-қувватлагани учун миннатдорлик билдирди.
Эришилган келишувларга кўра, UNAMAнинг узоқдаги муваққат офиси Алматида жойлашади. Тез орада ушбу миссиянинг Қозоғистондаги мақоми тўғрисида шартнома имзоланади.