IJF Париждаги Олимпия туркуми учун мусобақалар қоидаларига киритилган ўзгаришларни тасдиқлади
IJF миллий федерациялардан тавсиялар олганидан кейин ҳакамлик қоидаларига бир қатор ўзгартиришлар киритилди. Энг мунозарали ўзгариш тескари сеои-наге билан боғлиқ бўлиб, у энди ҳаракат сифатида ҳисобланмайди, лекин дзюдочининг жазосига сабаб бўлади.
Олимпиада чемпиони Жанубий Кореялик Чой Мин Хо томонидан машҳур бўлган бу усул дзюдочининг рақибини ушлаб, сўнг ўгирилиб, уни орқасига ташлашни ўз ичига олади.
IJF раҳбари Нил Адамс 20 дақиқалик видеода янги қоидаларни тушунтирди, бироқ тескари сео-нагени тақиқлаш қарорининг сабабини тушунтирмади.
Кўплаб дзюдо ишқибозлари ижтимоий тармоқларга ўз умидсизликларини билдиришди ва бу қарорга аниқлик киритишни талаб қилишди. Қоидага киритилган бошқа ўзгаришлар, агар спортчилар дзюдоги ёки сочни бир неча марта орқага чекиниб тузатса, шидо олади.
Бош билан «шўнғиш» хавфли ҳаракат деб тан олинди, уни амалга оширганлиги учун дзюдочи дисквалификация қилинади ва орқага йиқилиб тушганда бир вақтнинг ўзида иккита тирсаги ёки кафти полга тегса, спортчилар жазоланади. Қўлга олиш қоидаларига ҳам ўзгартиришлар киритилди.
IJF бош спорт директори Владимир Бартанинг айтишича, қоидаларнинг мақсади спортчиларни ҳимоя қилиш ва шу билан бирга «дзюдони янада динамикроқ, жамоатчилик ва ОАВ учун жозибадор қилишдир. Биз миллий федерациялардан қоидаларга ўзгартириш ва қўшимчалар киритиш бўйича таклиф ва тавсиялар олдик. IJF ҳамкорларимизнинг хоҳиш-истакларини инобатга олган ҳолда севимли спорт туримизни модернизация қилиш бўйича катта ишларни амалга оширмоқда. Ушбу янги қоидалар 2022 йил бошидан кучга киради ва 2024 йилгача амал қилади».
Янги қоидалар 28-30 январ кунлари Португалияда бўлиб ўтадиган Одивелас Гран-присида жорий этилади.