10:10, 14 Сентябр 2021 | GMT +6
Хитойдаги шахта ҳалокати қурбонлари сони 20 кишига етди
BEIJING. Kazinform - Қутқарувчилар Хитой шимоли -ғарбидаги Цинхай провинциясида фавқулодда вазиятда бўлган шахтадан илгари бедарак йўқолганлар рўйхатига киритилган 19 кончининг жасадини топдилар. Бу ҳақда Kazinform Хитой марказий телевидениесига таяниб хабар берди.
Телеканал маълумотларига кўра, бир ой давом этган қидирув-қутқарув ишлари расман якунланди. Унда мингдан ортиқ тезкор ходимлар иштирок этишди.
Гангца округидаги шахтани 14 август куни сув босди. Фавқулодда вазият пайтида шахта ичида 21 киши бўлган. Бир кончи ер юзига чиқиб улгурган.