Германияда локдаун 28 мартга қадар узайтирилди

Федерал ва ер ҳокимияти ҳам 8 мартдан бошлаб баъзи чекловларни бекор қилишга келишиб олди. Улар орасида китоб ва гул дўконлари, боғдорчилик дўконлари, гўзаллик салонлари, ҳайдовчилик мактаблари ва тажриба мактаблари очилади. Шахсий муносабатлардаги чекловлар ҳам енгиллаштирилади. Яъни, 14 ёшгача бўлган болалардан ташқари, иккита уйдан 5 кишигача учрашишга рухсат берилди. Шунингдек, келаси ҳафтадан бошлаб ҳар бир фуқаро ҳафтада бир марта тезкор коронавирус бепул тестини топшириши имкониятига эга бўлади, барча харажатлар федерал ҳокимият томонидан қопланади.

Бироқ, ноозиқ-овқат дўконлари, меҳмонхоналар, ресторанлар ва бошқа муассасалар ҳали ҳам ёпиқ. Келгуси юмшатиш чоралари аҳолини мунтазам равишда синовдан ўтказиш ва ҳафтада 100 минг аҳолига коронавирус инфекциясининг тарқалишини 50 та янги юқтириш ҳолатларига камайтириш концепциясини ўз ичига олади. Агар индекс барқарорлашса, бошқа дўконлар, музейлар, ҳайвонот боғлари, ботаника боғлари ва ёдгорлик мажмуалари очилади.

Бундай қарорлар тавсия этувчи характерга эга ва федерал ер бошқармаси эпидемиологик вазиятга қараб ҳудудларда карантин режимини соддалаштириш ёки кучайтириш тўғрисида қарор қабул қилиши мумкин.