Европа Иттифоқи ва Ҳиндистон савдо ва технология кенгаши қурилади
Нью-Деҳлида Урсула фон дер Ляйен ва Ҳиндистон бош вазири Нарендра Моди ўртасидаги музокаралар чоғида Европа Иттифоқи-Ҳиндистон савдо ва технология кенгашини ташкил этишга келишилди.
Ушбу стратегик мувофиқлаштириш механизми иккала ҳамкорга савдо, ишончли технология ва хавфсизлик чорраҳасида муаммоларни ҳал қилиш имконини беради ва шу тариқа Европа Иттифоқи ва Ҳиндистон ўртасидаги ушбу соҳаларда ҳамкорликни чуқурлаштиради.
Иккала томон ҳам геосиёсий муҳитдаги тез ўзгаришлар биргаликда чуқур стратегик ҳамкорлик зарурлигини таъкидлайди, деган фикрга келишди.
Савдо ва технологиялар бўйича кенгаш сиёсий қарорларни амалга ошириш учун сиёсий раҳбарлик ва зарур тузилмани таъминлайди, Европа ва Ҳиндистон иқтисодиётини барқарор ривожлантириш учун муҳим бўлган соҳаларда амалга оширилиши ва кузатилишини таъминлаш учун сиёсий даражадаги техник ишларни мувофиқлаштиради.
«Ҳозирда дипломатик муносабатлар ўрнатилганининг 60 йиллигини нишонламоқдамиз, таъкидлаш жоизки, Европа Иттифоқи ва Ҳиндистоннинг умумий қадриятлари ва умумий манфаатлари ўзаро манфаатли ва чуқурроқ стратегик ҳамкорликни фаоллаштириш учун мустаҳкам асос бўлишига ишончимиз комил. Европа Иттифоқи ва Ҳиндистон ўн йилликлар давомида яқин ҳамкорлик қилиб келмоқда ва мавжуд муаммолар ва геосиёсий шароитларни енгиш учун биргаликдаги саъй-ҳаракатларни кучайтиришга қаътий қарор қилди», — дейилади Европа комиссияси баёнотида.
Савдо ва технология кенгашини ташкил этиш тўғрисидаги қарор Ҳиндистон учун хорижий ҳамкор билан биринчи ва Европа Иттифоқи учун АҚШ билан шунга ўхшаш келишувдан кейин иккинчи қарор бўлади.
ЕИ-Ҳиндистон савдо ва технология кенгашининг ташкил этилиши Европа Иттифоқи ва Ҳиндистоннинг барча халқлари манфаати учун стратегик шерикликни мустаҳкамлаш йўлидаги асосий қадамдир.
Муаллиф: Арнур Рахимбеков