Энг йирик япон автокорхоналарнинг глобал ишлаб чиқариш ҳажми апрел ойида 20% камайди

None
None
PEKIN. Kazinform - Япониянинг йирик автомобил ишлаб чиқарувчи компанияларнинг глобал маҳсулот ишлаб чиқариш ҳажми апрел ойида ўтган йилнинг шу даврига нисбатан 20,1 фоизга камайиб, 1,66 миллион дона автомобилни ташкил этди, деб хабар беради Kazinform мухбири Kyodo агентлигига таяниб.

Маълумотларга кўра, олтита япон автомобил компанияси, жумладан Toyota Motor Corp. ва Honda Motor Co, автомобил ишлаб чиқариш ҳажмининг қисқаришини маълум қилди.

Kyodo маълумотларига кўра, япон автомобил ишлаб чиқарувчи компаниялари томонидан автомобил ишлаб чиқариш ҳажмининг қисқариши яримўтказгичлар тақчиллиги билан боғлиқ. Honda Motor Co ишлаб чиқариш ҳажмини 54,2% камайтирди, шунингдек, Mazda Corp. (- 49,9%), Nissan Co. (- 26,5%) ва Toyota Motor Corp. (- 9,1%) компанияларида ҳам қисқариш кузатилган.

Toyota Motor Corp. пресс-релизига кўра, апрел ойида Toyota автомобилларининг глобал савдоси ўтган йилга нисбатан 11,1 фоизга камайган ва 763,7 минг донани ташкил қилган. Toyota автомобиллари сотувининг пасайиши Японияда ҳам, хорижда ҳам, жумладан, Хитойда ҳам кузатилган.


Муаллиф: Руслан Сулейменов

Сўнгги хабарлар