Давлат раҳбарининг туғилган куни муносабати билан табриклар келмоқда

«Қозоғистон Президентининг туғилган куни муносабати билан хорижий давлат раҳбарлари, парламент спикерлари, ҳукумат раҳбарлари ва хорижий давлат идоралари, халқаро ташкилотлар ҳамда дипломатик миссиялар, тижорат ташкилотлари раҳбарлари, ижодий ва илмий зиёлилардан табриклар келмоқда.

Хусусан, Россия Президенти Владимир Путин, ХХР раиси Си Цзиньпин, Туркия Президенти Режеп Таййип Эрдоған, Беларусь Президенти Александр Лукашенко, Қирғизистон Президенти Садир Жапаров, Туркманистон Халқ Ассамблеяси раиси Гурбангули Бердимуҳамедов, Корея Республикаси Президенти Юн Сок Ёль , Россия Бош вазири Михаил Мишустин, Россия Федерация кенгаши раиси Валентина Матвиенко, Россия Федерацияси Давлат думаси раиси Вячеслав Володин, Евроосиё иқтисодий комиссияси ҳайъати раиси Михаил Мясникович, Туркий давлатлар ташкилоти Бош котиби Бағдат Амреев, МДҲ Ижроия қўмитаси раиси – Ижрочи котиби Сергей Лебедев, МДҲ парламентлари бош котиби Дмитрий Кобицкий, Коллектив хавфсизлик шартномаси ташкилоти бош котиби Станислав Зась ва бошқалар табрик телеграммалари йўллади», — дейилади манбада.

Қасим-Жомарт Тоқаевни туғилган куни билан Ўзбекистон Президенти Шавкат Мирзиёев, Туркманистон Президенти Сердар Бердимуҳамедов, Тожикистон Президенти Эмомали Раҳмон ва Озарбайжон Президенти Илҳом Алиев ҳам табриклади.

Табриклар ҳали ҳам келишда давом этмоқда.