CОVID-19 вакцинасини мослаштириш учун «омикрон» намунаси талаб қилинмайди - Гинцбург

Aввалроқ Россия тўғридан-тўғри инвестициялар жамғармаси раҳбари Кирилл Дмитриев Россиянинг «Спутник V» ва «Спутник Лайт» коронавирусга қарши вакциналарини ишлаб чиқарувчилар, зарурат туғилганда, «омикрон» штаммига мослаштирилган юзлаб миллион дозадаги вакциналарни 2022 йил феврал ойи охиригача бозорларга етказиб бера олишини маълум қилганди. Россия тўғридан-тўғри инвестициялар жамғармаси маълумотларига кўра, Гамалея маркази аллақачон вакциналарининг янги версияларини ишлаб чиқишни бошлаган.

«Буни қилиш мумкин (вакцинани мослаштириш), кетма-кетликни билиш керак, у синтезланади. (...) Музлатгичдаги пробиркаларда бўлган барча олдинги штаммларда бўлгани каби, эълон қилинган янги нуклеотидлар кетма-кетлиги асосида янги кетма-кетликни яратдик «, - деди Гинцбург.

Шунингдек, у Гамалея Марказда «омикрон» намунаси йўқлигини қўшимча қилди. «Мен (уни) Соғлиқни сақлаш вазирлигидан кутяпман ёки бизда касал бўлган одам бўлса, биз уни изоляция қиламиз. Шундай қилиб, бизнинг барча коллекцияларимиз тўлдирилади «, - деб тушунтирди Гинцбург.

Ўтган ҳафта Жаҳон соғлиқни сақлаш ташкилоти (ЖССТ) Aфриканинг жанубида топилган В.1.1.529 коронавирус штаммини юнонча «омикрон» ҳарфи билан белгилади. ЖССТ баёнотида айтилишича, бу версия «кўп сонли мутацияларга эга, уларнинг баъзилари ташвишлидир», чунки бу вакциналарнинг самарадорлигига таъсир қилиши мумкин. Дастлабки маълумотларга кўра, штаммнинг тарқалиш хусусияти юқори.