11:31, 05 Апрел 2021 | GMT +6
Буюк Британия «коронавирус паспорти»ни синовдан ўтказишни режалаштирмоқда
NUR-SULTAN. Kazinform – Апрель ойида Буюк Британия ҳукумати пилот режимида томошабинлар билан оммавий тадбирларни ўтказишга имкон берадиган бир қатор тадбирларни синовдан ўтказишни бошлайди. Хусусан, касаллик туғрисида маълумотлар, COVID-19га қарши вакцина билан эмлаш ва ПЗРнинг манфий натижалари тўғрисидаги маълумотларни ўз ичига олган «коронавирус паспорти» синовдан ўтказилади, деб хабар беради Kazinform BBCга таяниб.
Ушбу тизим танқидчилари, шу жумладан 40та консерватор депутатлари сертификатлаштириш тизими «камситувчи ва самарасиз» бўлиши мумкин деб ҳисоблайди.
Депутатларнинг фикрлари етакчи олимлар томонидан қўллаб-қувватланди. Улар орасида юқумли касалликлар бўйича мутахассис Майк Тилдесли ҳам бор. У кўплаб одамларга вакцина билан эмлаш мумкин бўлмаган бир пайтда ушбу лойиҳага қатъий қарши чиқди.
Telegraph нашрининг ёзишича, «коронавирус паспорти» технологияси келгуси кузгача тайёр бўлмаслиги мумкин. Британия ҳукуматига кўра, уни амалга ошириш учун «ҳафталар эмас, балки ойлар» керак бўлади.
Тавсия этилган режа фақат Англияни қамраб олган бўлса-да, ҳукумат ушбу тизимни Шотландия, Уэльс ва Шимолий Ирландия билан муҳокама қилмоқда.
