Баҳрайн Қозоғистоннинг 11 шаҳрига авиарейслар амалга ошириши мумкин

None
None
NUR-SULTAN. Kazinform – 3 декабрь куни Қозоғистон делегацияси Баҳрайн авиация соҳаси мутасаддилари билан музокаралар олиб борди, деб хабар беради Kazinform Фуқаро авиацияси қўмитасига ҳавола қилиб.

«Давлат раҳбарининг ташаббуси билан жорий қилинган «очиқ осмон» режимига кўра, 5-чи «ҳаво эркинлиги»дан фойдаланиш орқали рейслар сонига қўйилган чекловлар олиб ташланиб, Баҳрайн авиакомпанияларига Қозоғистоннинг 11та шаҳрининг аэропортига (Нур-Султан, Алмати, Шимкент, Ақтау, Қарағанди, Ўскемен, Павлодар, Кўкшетау, Тараз, Петропавл, Семей) мунтазам рейслар амалга оширишига рухсат берилди. Рейслар ҳар куни учирилиши мумкин», - дейилган хабарда.

Шунингдек, икки мамлакатнинг белгиланган авиакомпаниялари парвоз пайтида кодлардан биргаликда фойдаланиш тўғрисида тижорий келишувга эришиши мумкин.

Сўнгги хабарлар