Австралия 100 йил ичида илк бор штатлар ўртасидаги чегараларни ёпади

Виктория ва Янги Жанубий Уэльс штатлари ўртасидаги чегара 100 йилдан бери ёпилмаганди. Икки штат ўртасидаги сўнгги ҳаракат 1919 йилда испан гриппи пандемияси пайтида тўхтатилган.

Сўнгги кунларда Виктория пойтахти Мельбурнда COVID-19 ҳолатлари кескин ўсиб, ҳокимиятни ижтимоий масофага нисбатан қатъий қоидалар жорий этишга мажбур қилди.

Викторияда бир кечада коронавируснинг 127 та янги ҳолати қайд этилди, бу пандемия бошланганидан бери энг катта кўрсатгич. Коронавирусдан икки киши ўлгани ҳам хабар қилинган. Маҳаллий маъмурларнинг маълум қилишича, икки ҳафтадан бери мамлакатда қайд этилмаганди. Австралияда жами 106 киши коронавирусдан вафот этган.

Янги Жанубий Уэльс бош вазири Глэдис Береджикляннинг айтишича, чегара қачон очилиши ҳозирча номаълум, аммо ҳозирча ҳарбийлар ноқонуний ўтишларнинг олдини олиш учун уни қўриқлашади. Унинг сўзларига кўра, чегарани кесиб ўтиш учун паспортни олиб юриш керак бўлади.

Австралия коронавирус пандемияси билан яхши курашди - мамлакатда жами 8500 га яқин КВИ касаллиги қайд этилган. Афсуски, Мельбурндаги ҳолат ушбу статистикани бузди.