07:09, 24 Июн 2022 | GMT +6
Алматида 500 ўринга мўлжалланган янги поликлиника қурилади
ALMATY. Kazinform – Алмати шаҳрининг Алмали туманида 500 ўринга мўлжалланган поликлиника қурилади. Бу ҳақда шаҳар ҳокими Ерболат Досаев аҳоли билан учрашувда маълум қилди, деб хабар беради Kazinform мухбири.
Унинг айтишича, Алмали тумани сифатли соғлиқни сақлаш тизими маркази бўлганлиги сабабли шаҳар ва вилоятнинг бошқа туманлари аҳолиси поликлиникага рўйхатдан ўтишни истайди.
«443 минг аҳоли истиқомат қиладиган ҳудудда яқин атрофдаги Бостандиқ, Жетису ва Турксиб туманлари аҳолиси рўйхатга олингани боис тумандаги 18 поликлиникалар икки баробар кўпроқ беморларга хизмат кўрсатмоқда. Шу боис мазкур масалани ҳал этиш мақсадида 1947 йилда бузиб ташланган ревматология маркази ўрнида 500 ўринга мўлжалланган янги поликлиника қуришнинг лойиҳа-смета ҳужжатлари ишлаб чиқилмоқда. Бунинг учун маблағ ажратилди», - деди Алмати ҳокими Ерболат Досаев.
Қурилиш 2024 йилда бошланиши режалаштирилган.
Муаллиф: Алма Муқанова