20:30, 22 Октябр 2021 | GMT +6
9 ойда хориждан Ўзбекистонга $5,7 млрд миқдорида пул ўтказмалари амалга оширилган
TASHKENT. Kazinform – 2021 йилнинг 9 ойида Ўзбекистонга кириб келган трансчегаравий пул ўтказмалари ҳажми 5,7 млрд долларни ташкил этди, деб хабар беради Kazinform ЎР Марказий банкга таяниб.
ЎР Марказий банк маълумотларига кўра, бу ўтган йилнинг шу даврига нисбатан 34,2% ва 2019 йилга нисбатан 29% га кўпдир.
2021 йилнинг 9 ойида ялпи ички маҳсулотнинг реал ўсиши 6,9%ни ташкил этди. Ўтган йилнинг шу даврига нисбатан саноат маҳсулотлари ишлаб чиқариш ҳажми 9 фоизга, қишлоқ хўжалиги 4,2 фоизга, қурилиш 4,5 фоизга ва асосий капиталга инвестициялар ҳажми 5 фоизга ошди. Ушбу даврда аҳоли даромадлари реал ҳисобда 10,4 фоизга ошди.