25 октябр Қозоғистонда миллий байрам - Республика кунига айлантирилади
«Миллий байрамлар ва юбилейлар рўйхатига бир қатор ўзгартиришлар киритиш зарур. Мен Республика кунига миллий байрам мақомини қайтаришни таклиф қиламан. Шундай экан, ҳар йили 25 октябр Мустақиллик байрамини мамлакатимизнинг бош байрами сифатида нишонлашимиз керак. 1990 йил 25 октябрда Қозоғистоннинг Мустақиллик Декларацияси қабул қилинди. Бу мамлакатимиз мустақиллиги сари қўйилган илк қадам эди. Ушбу ҳужжатни қабул қилишда Биринчи Президент Нурсултон Назарбоев жуда муҳим ва ҳатто ҳал қилувчи рол ўйнади.
Республика куни мамлакатнинг давлатчилик сари тарихий қадами рамзи бўлиши керак. Албатта, Мустақиллик байрамининг асл маъноси сақланиб қолади. Ушбу кун миллий байрам бўлиб қолаверади. Бироқ, бу кунни мустақилликка катта ҳисса қўшган миллий қаҳрамонларимизни қадрлаш куни сифатида нишонлаш керак, – деди Президент.
Муаллиф: Есимжан Нақтибай