17:28, 11 Январ 2021 | GMT +6
2020 йилда Қозоғистонда металлургия саноатида маҳсулот ишлаб чиқариш ҳажми 2,6 фоизга ўсди
NUR-SULTAN. Kazinform – 2020 йилнинг 12 ойи якунларига кўра ўсиш ишлаб чиқариш саноатининг барча соҳаларида кузатилмоқда. Металлургияда ишлаб чиқариш 2,6 фоизга ошди. Бу ҳақда Kazinform ҚР Индустрия ва инфратузилмаларни ривожлантириш вазирлиги матбуот хизматига таяниб хабар беради.
Масалан, рангли металлургияда ишлаб чиқариш 2,8 фоизга ошди. Қозоғистондаги энг йирик мис ишлаб чиқарувчи «Қазақмис корпорацияси» тозаланган мис ишлаб чиқариш ҳажмини 5 фоизга, олтин қуйиш 35 фоизга ва гранулятланган кумушни 17 фоизга оширди.
Бундан ташқари, «Қозоғистон электролиз заводи» бирламчи алюминий ишлаб чиқаришни кўпайтирди. «Тау-Кен Алтын» ҳам ижобий натижаларга эришди. Комбинат тозаланган олтин ишлаб чиқаришни 4 фоизга ва кумушни 46,7 фоизга оширди.