+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Жүрек-қан тамырлары ауруы барларға COVID-19-дың қаупі қандай

2020 жылғы 16 қараша 12:42
Бөлісіңіз:
Жүрек-қан тамырлары ауруы барларға COVID-19-дың қаупі қандай

НҰР-СҰЛТАН. ҚазАқпарат – №4 елордалық емхана кардиологы Жанат Сұңқарбекова жүрек-қан тамырлары жүйесі проблемалары бар науқастар үшін COVID-19-дың қандай қаупі барын айтып берді.

Ұқсас жаңалықтар
Елордада пандемия кезеңінің барлық талабына сай келетін емхана ашылады Бразилияда Covid-19 пациенттеріне оттегі жетіспей жатыр Ақмола өңірінде облыс, қалааралық автобустардың қозғалысына тыйым салынды

Маманның пікірі қала әкімдігінің әлеуметтік желідегі парақшасында жарияланды, деп хабарлайды ҚазАқпарат.

Оның айтуынша, коронавирустық инфекция жүрек-қан тамырлары аурулары бар науқастарда ауыр өтеді, себебі вирус жүрек-қан тамырлары жүйесіне көп факторлы зақымдаумен әсер етеді.

«Коронавирустық инфекциямен ауыратын науқастарда сөзсіз болатын гипоксия жағдайында жүрек-қан тамырлары аурулары бар науқастарға COVID-19-ға төтеп беру қиын. Сонымен қатар вирус гиперкоагуляцияға және тромбозға бастапқы бейімділікке ие. Коронавируста тромбоздың даму қаупі жоғарылағанда, бұл жағдай ушығады», - деді Жаннат Сұңқарбекова.

Коронавирусты жұқтырмау үшін барлық белгілі профилактикалық шараларды сақтау қажет.

«Екіншіден, сіз өзіңіздің диагнозыңыздың - жүрек-қан тамырлары ауруларының емімен айналысуыңыз керек. Егер бұл артериялық гипертензия болса, онда сіз қан қысымын бақылауыңыз керек. Негізгі терапия қажет. Коронавирусты жұқтырған жағдайда дәрігерге ерте бару маңызды. Барлығы «өздігінен өтеді» деп үміттенудің қажеті жоқ. Ешбір жағдайда, қысымды төмендетуге арналған негізгі терапиядан бас тартуға болмайды. Холестерин деңгейін төмендетуге, антиагреганттарға қарсы дәрілерді қабылдауға көмектесетін статиндік терапияны жалғастыру қажет. Коронавирус инфекциясынан бұрын да қабылдаған барлық дәрі-дәрмектерді жалғастыру керек және оларды дәрігердің рұқсатынсыз ешбір жағдайда өзгертуге немесе қабылдауды тоқтатуға болмайды», - деп ескертті кардиолог.

Егер адам коронавирус белгілерін байқаса, ең алдымен дәрігерге жүгіну керек. Қажет болса, жалпы тәжірибе дәрігері әрдайым кардиологпен кеңеседі. Әрі қарай емдеу жоспарын келіседі. Терапевт пен кардиологтың арасында тығыз байланыс болуы керек.

«Екі маңызды мәселе бар. Адамдар көбінесе антикоагулянттарды профилактикалық мақсатта қабылдауды қалайды. Бұлай істеуге болмайды, өйткені дәрі-дәрмектердің әсері күшті және қан кетуіне әкелуі мүмкін. Оларды тек дәрігердің нұсқауы бойынша қабылдау керек. Сонымен қатар карантин кезінде адамдар үйлерінен шығуды сиретті. Науқастар жаттығуды тоқтатып, отырықшы өмір салтын жүргізе бастады. Бұл жүрек-қан тамырлары ауруларының ағымын күшейтеді. Ешбір жағдайда дене шынықтыру деңгейін төмендетпеңіз, үйде жаттығуды жалғастыруыңыз керек. Ең бастысы - ниет болса, кез келген жағдайда жол табуға болады», - деп сөзін аяқтады дәрігер.


Біздің каналымызға жазылыңыз:

Бөлісіңіз:

Автор:

Руслан Ғаббасов

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT