+7 (701) 759 90 19
USD 399.51 EUR 447.33
RUB 5.78 CNY 56.10
Jańalyqtar

Жұмыспен қамту жол картасы: Жезқазғанда мыңнан астам жұмыс орны ашылады

2020 жылғы 15 мамыр 11:23
Бөлісіңіз:
Жұмыспен қамту жол картасы: Жезқазғанда мыңнан астам жұмыс орны ашылады

ҚАРАҒАНДЫ. ҚазАқпарат - Қарағанды облысының әкімі Жеңіс Қасымбек жұмыс сапарымен Жезқазғанда болып қайтты. Өңір басшысы «Жұмыспен қамтудың жол картасы» және «Нұрлы жер» бағдарламалары бойынша атқарылып жатқан жұмыс барысымен танысты, деп хабарлайды ҚазАқпарат тілшісі.

Жезқазғанда осы жылға жоспарланған үлкен жоспарлар бар. Жергілікті билік «Жұмыспен қамтудың жол картасы» бағдарламасының көмегімен нысандарды жөндеу жұмыстарын қарқынды жүргізіп жатыр. Мысалы, әлеуметтік мәдени тұрмыстық төрт нысанды, 58 көпқабатты тұрғын үйдің қасбеті мен шатырын, 1,5 шақырымға жуық кәріз және су құбыры желілерін жаңғырту жоспарланған. Қала жолдары да қалыс қалған жоқ. Атап айтқанда, 1954 жылы салынған №4 жол өтпесін қалпына келтіруге кірісті.

Бұдан басқа, екі саябақ абаттандырылады, 800 жарықтандыру тіректері орнатылады. Осының бәрін жүзеге асыру үшін жұмыс қолы қажет. Сондықтан мыңнан астам жұмыс орны ашылады.


«Жезқазғанда Жұмыспен қамтудың жол картасы бойынша жалпы сомасы 3,9 млрд теңге болатын 36 жоба жүзеге асырылуда. Оның ішінде 33 инфрақұрылымдық жоба және үшеуі құрылыс бойынша», - деп хабарлады Жезқазған қаласының әкімі Қайрат Бегімов.

Жұмыспен қамтудың жол картасы бойынша жөнделетін нысандардың бірі - Алғашқы құрылысшылар алаңындағы субұрқақ. Ол үшін 15 жұмыс орны ашылды.

«Біз Жезқазғанда кәріз және сумен қамтамасыз ету жүйесін жөндеу жұмыстарын қолға алдық. Бізге жұмысшылар жетіспеді, сондықтан жұмыспен қамту орталығына жүгіндік. Олар бізге жеті адамды жіберді. Жұмысшылардың орташа жалақысы - 85 000 теңге», - дейді «Медет» ЖК бригадирі Есет Әбжалелов.

«Мен үш ай жұмыс іздеп, таба алмадым. Содан кейін Жұмыспен қамту орталығына хабарластым. Ол жерде маған жұмысқа тұруға көмектесті. Енді сылақшы-сырлаушы болып жұмыс істеймін», - дейді Сандуғаш Азнабаева.

Жезқазғанда қолжетімді көпқабатты тұрғын үйлер де көбірек салына бастады. Биыл «Нұрлы жер» бағдарламасы бойынша 158 пәтерлік төрт көпқабатты тұрғын үй пайдалануға беріледі. Тұрғын үйді әлеуметтік қорғалатын санаттардан кезекте тұрғандар алады.

Өңір басшысы жергілікті жерлерде барлық жұмыстардың сапасы мен қарқынын қатаң бақылауға алуды тапсырды.


Сапар барысында Жеңіс Қасымбек 900 орындық жаңа мектепті аралап көрді. Ауланың аумағын абаттандыру, жиһаз, құрал-жабдықтар жеткізу ғана қалды. 1 қыркүйекке қарай нысан оқушыларға есігін айқара ашпақ.

Облыс әкімі сондай-ақ «КазТехФильтр», «Ютария ltd» және «Ulytay Nan» ЖШС-де болып, өндірістік үдеріспен және кәсіпорындарды одан әрі дамыту жөніндегі жоспарлармен танысты. Компания басшыларымен кездесуде отандық тауар өндірушілерді қолдау мәселелері де талқыланды.


Біздің каналымызға жазылыңыз:

Бөлісіңіз:

Автор:

Агата Мухамеджанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT