+7 (701) 759 90 19
USD 399.51 EUR 447.33
RUB 5.78 CNY 56.10
Jańalyqtar

Жүк және жолаушылар тасымалы: Қандай елдермен қатынас тоқтады

2020 жылғы 16 наурыз 19:50
Бөлісіңіз:
Жүк және жолаушылар тасымалы: Қандай елдермен қатынас тоқтады

НҰР-СҰЛТАН. ҚазАқпарат - Қазақстан бірқатар елге автобуспен жолаушылар тасымалдауын тоқтатты. Бұл туралы бүгін Орталық коммуникациялар қызметіндегі брифингте ҚР Индустрия және инфрақұрылымдық даму вице-министрі Берік Камалиев айтты, деп хабарлайды ҚазАқпарат тілшісі.

«Бүгінгі күні Қазақстан мен ҚХР, Өзбекстан және Моңғолия арасында автобуспен жолаушылар және жүктерді тұрақты тасымалдау тоқтатылды. Отандық тасымалдаушыларға Қазақстан мен Қырғызстан, Өзбекстан, Ресей, ҚХР, Моңғолия, Украина және Тәжікстан арасында тұрақты емес жолаушылар тасымалдауға рұқсат бланкін беру тоқтатылып отыр. Аталған туристік және тапсырыс бағдарларына арналған», - деді вице-министр.

Сонымен қатар ол коронавирустың таралуына жол бермеу үшін Ресей мен Қырғызстанға автобустармен және микроавтобустармен жүзеге асырылатын халықаралық қатынастардағы тұрақты рейстердің саны екі есеге қысқартылып, тұрақты және тұрақты емес автобуспен тасымалдау транзиті тоқтатылғанын айтты.

«Жүк тасымалына қатысты айтар болсам, азық-түлікті, халық тұтынатын әрі медициналық мақсаттағы тауарларды үздіксіз жеткізуді қамтамасыз ету мақсатында автомобиль көліктерімен халықаралық екіжақты және транзиттік бағдарлар бойынша жүк пен пошта жөнелтілімдерін тасымалдауға шектеу қойылған жоқ», - деді Берік Камалиев.


Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT