01:54, 25 Қаңтар 2020 | GMT +6
Жоғарғы соттың судьялары #BizBirgemiz челленджіне қатысты
НҰР-СҰЛТАН. ҚазАқпарат - Жоғарғы соттың судьялары мен аппарат қызметкерлері #BizBirgemiz челленджі бойынша Жоғарғы сот органы ғимаратының аумағын тазалауға шықты, деп хабарлайды ҚазАқпарат ведомство сайтына сілтеме жасап.
«Қарлы боранды елорданы ғана емес, сонымен қатар басқа да өңірлерді қамтыды. Сондықтан эстафетаны Қазақстан Республикасының Сыбайлас жемқорлыққа қарсы іс-қимыл агенттігімен қатар, Қарағанды облыстық сотына да жолдаймыз», - деді Соттардың қызметін қамтамасыз ету департаментінің басшысы Наиль Ахметзәкіров.
#BizBirgemiz эстафетасын Жоғарғы сот ұжымы Конституциялық кеңес аппаратынан қабылдады.
Айта кетейік, елорда жастары әлеуметтік желіде қар күреу челленджін бастады. Елорда еріктілеріне Мемлекет басшысы Қасым-Жомарт Тоқаев қолдау білдірді.