+7 (701) 759 90 19
USD 408.61 EUR 454.09
RUB 5.86 CNY 57.28
Jańalyqtar

Жетісай ауданында күн электр стансасы іске қосылды

2020 жылғы 29 ақпан 12:46
Бөлісіңіз:
Жетісай ауданында күн электр стансасы іске қосылды

ТҮРКІСТАН. ҚазАқпарат - Жетісай ауданында күн электр стансасы салынып, іске қосылды, деп хабарлайды ҚазАқпарат Түркістан облысы әкімінің баспасөз қызметіне сілтеме жасап.

Германиялық мердігер компания ірі жобаны жеке қаржысына жүзеге асырды. Түркістан облысының әкімі Өмірзақ Шөкеев кәсіпорын ашылуына қатысып, шетел инвесторларымен кездесті. Бұрынғы ескі қоқыс полигонының орнынан салынған жобаның құны 2,5 млрд теңге. 10,7 гектар аумаққа орналасқан күн стансасының қуаттылығы 4,8 МВт.


Шалғай аудан ақсақалдары қуанышты бөлісуге келген облыс әкімін ортаға алып, ақ тілектерін айтты.

«Көршіміз, Өзбекстан елімен байланыс кеңейіп жатыр. Бұл-ынтымақтастықтың берік көпірі және екі елдің стратегиялық мақсаттары мен ұлттық қызығушылықтарын ілгерілетеді. Мүддеміз бір. Суармалы суға қатысты жағдай қалыпты. Бауырлас халықтар ғасырлар бойы араласып жатқаннан кейін, тарихи тамырымыздың байланысы да тереңде. Сол себепті қазіргідей жаһандық даму кезінде де ықпалдастықты күшейте түсуіміз орынды», - деді облыс басшысы аудан ардагерлерімен кездесу барысында.

Облыс басшысы Жетісай қаласын дамыту мақсатында кәсіпкерлік нысандар, мектеп, тұрғын үйден салу жоспарланған 80 гектар жерге инженерлік инфрақұрылым жүргізуде орын алған өзекті мәселелермен танысты. Шаһардағы мөлтек аудандарды Абай топтастық су жүйесіне қосу мәселесін талқылады. Салаға жауапты басшыларға нақты тапсырмалар берді.


Аймақ әкімі жұмыс сапары барысында бетоннан құрылған лашықты паналап жүрген 5 балалы ананың отбасында болды. Отағасы жалдамалы жұмыста. Көпбалалы ана жұмысқа зәру. Баспанаға мұқтаж отбасының мәселесі шешіліп, жергілікті кәсіпкер «Қамқорлық» жобасы аясында қол ұшын созатын болды.


Сондай-ақ, облыс әкімі Б.Момышұлы атындағы №6 мектеп - гимназиясының ұжымымен кездесті. ҰБТ сынағында еліміздегі ең үлкен көрсеткіштермен көзге түскен білім ұясынан соңғы 15 жылда 320 «Алтын белгі» иегері шыққан. Былтыр мектептің 64 түлегі 100% мемлекеттік грант иегері атанды. Мектептің екі оқушысы ҰБТ сынағында 139 балл жинады. Үлгілі мектеп ғимараты күрделі жөндеуді қажет етеді. Облыс әкімі мәселенің оңтайлы шешілетінін айтты.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT