+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Жерге тастаған қоқыс өзімізге ауру болып жабысатынын түсінуіміз керек - экобелсенді

2020 жылғы 28 қыркүйек 14:03
Бөлісіңіз:
Жерге тастаған қоқыс өзімізге ауру болып  жабысатынын түсінуіміз керек - экобелсенді

НҰР-СҰЛТАН. ҚазАқпарат – Қазақстан NUR ALEM павильонының жетекшісі, экобелсенді Әсем Омар экологиялық мәселелер шешімін табуы үшін үгіт-насихат жұмыстары тоқтамай жүргізілуі керек деп есептейді, деп хабарлайды ҚазАқпарат тілшісі.

«Экологиялық білім әр отбасынан басталуы тиіс. Балаға табиғат пен туған жеріне деген қамқорлығын, аяушылығын үйіндегі ата-әжесі, әкесі мен шешесі оятуы керек. Ол кісілердің өзі білімді болғаны абзал. Ата-бабаларымыздан қалған жерге немқұрайлы қарауға болмайды. Жерге тастаған қоқыс – өзімізге ауру болып жабысатынын түсінуіміз керек», - деді Әсем Омар ОКҚ-да өткен баспасөз мәслихатында.

Оның келтірген дерегіне сенсек, қазіргі уақытта әлем бойынша қайтыс болатын адамның әрбір алтыншысы ауаның ластануы салдарынан өмірімен қоштасуда. Дүние жүзіндегі теңіздер мен мұхиттарға 15 миллиард тоннадан астам қоқыс тасталып, бұдан адамдар да, жан-жануарлар да зардап шегіп жатыр.

«Міне, сол себепті біз ең алдымен экологиялық білімді адамдардың санасына сіңіруіміз керек. Қоқыс тастама, суды ластама, орманға бардың ба, от жақ па деген сыңайдағы мәселелер төңірегінде үгіт-насихат жұмыстары тоқтамай жүргізілуі керек», - деді ол.

Еске сала кетсек бұған дейін Әсем Омар экология мәселелері төңірегінде ҚазАқпарат агенттігіне сұхбат берген еді.


Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059

MURAǴAT