+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Жастар арасындағы инновациялық идеялар байқауы басталды

2020 жылғы 23 қазан 22:26
Бөлісіңіз:
Жастар арасындағы инновациялық идеялар байқауы басталды

КӨКШЕТАУ. ҚазАқпарат - Ақмола облысында жастар, студенттер, жас кәсіпкерлер арасында «AQMOLA POWER» инновациялық идеялар және жобалар байқауы басталды, деп хабарлайды ҚазАқпарат тілшісі облыстық ішкі саясат басқармасына сілтеме жасап.

Жастардың шығармашылық, білім беру және әлеуметтік бастамаларын қолдау мақсатында жыл сайын өткізілетін инновациялық жобалар байқауы энергетика, ақпараттық технология, ауыл шаруашылығы, экология және табиғатты пайдалану салаларын қамтиды.

Ұйымдастырушылардың айтуынша, биылғы жылы шектеу шараларына байланысты байқау материалдары онлайн қабылданады.

«Ұсынылған жұмыстар өзектілігі, тақырыпты ашуы, идея және көркемдік мазмұны, жаңа технологияны қолдану, ғылыми және жаңалығы бойынша бағаланады. Ең үздік инновациялық идеялар көрмеге қойылады», - деп атап өтті облыстық жастар ресурстық орталығының басшысы Анаргүл Белгібаева.

Байқауға өтініш 24 қарашаға дейін 4 кезең бойынша қабылданады. Жеңімпаздарды марапаттау желтоқсан айына жоспарланған. Жеңімпаздар 350, 250 және 150 мың теңге көлемінде ақшалай сертификат алады.

Байқау осымен алтыншы рет ұйымдастырылып отыр. Өткен жылы 58 өтініш қабылданды. Оның ішінде Көкшетаудағы Жоғары техникалық колледж студенті Әлихан Қайраның «Экологиялық сутегі отыны арқылы жұмыс істейтін, ішінен жанатын қозғалтқыш» инновациялық жобасы үздік деп танылды.


Біздің каналымызға жазылыңыз:

Бөлісіңіз:

Автор:

Аслан Оспанов

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT