+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Жас өнертапқыштар ерекше қажеттілігі бар адамға арналған құрылғы жасады

2020 жылғы 27 қазан 16:13
Бөлісіңіз:
Жас өнертапқыштар ерекше қажеттілігі бар адамға арналған құрылғы жасады

НҰР-СҰЛТАН. ҚазАқпарат - Нұрсұлтан Назарбаев қоры «KazRoboProject» байқауының жас өнертапқыштары процестерді автоматтандыру, ерекше қажеттіліктері бар адамдардың өмірін жеңілдету, бос уақытты ұйымдастыруға арналған креативті идеяларын ұсынды, деп хабарлайды ҚазАқпарат.

Ұқсас жаңалықтар
Елордада лингвистерді даярлау мәселесі талқыланды Атбасарда 140 орындық балабақша пайдалануға берілді – Ақмола облысы ШҚО-да Тұңғыш Президент күніне орай оқушылар арасында Бірыңғай диктант күні өтті

Жыл бойы жобаның 10 жастан 21 жасқа дейінгі қатысушылары арасынан үздіктерді іріктеу жүргізілді. Байқау «КазРоботикс» федерациясының даму бағдарламасының бір бөлігі және жастардың шығармашылық қабілеттерін дамытуға, ғылыми-техникалық бағыттағы қолданбалы зерттеулерге қызығушылығын арттыруға бағытталған.

- Жастар жобасын нақты жағдайларда мүмкін болатын практикалық қолдануға мақсатты түрде дайындау шаралары жас өнертапқыштарды рационализаторлық қызметтің негіздерін түсінуге жетелейді, олардың әрі қарай кәсіби өсуіне негіз қалайды, - дейді «КазРоботикс» федерациясының президенті Айжан Жекеева.

Балалар жасаған жобалар – бұл белгілі бір мәселені шешу үшін айтарлықтай пайда әкелетін техникалық құрылғыны (роботты құрылғы, микропроцессорлық жүйе) құруға бағытталған қолданбалы жұмыстар.

Байқау екі жас тобында өтті: 10-15 жас және 16-21 жас, сондай-ақ әр жас тобында екі номинация бойынша: «Концепт» және «Прототип» жеңімпаздар анықталды.

Байқауға еліміздің әр түкпірінен барлығы 62 жоба ұсынылды. Жұмыстарды Қазақстан машина жасаушылар одағының өкілдері, өндіріс инженерлері, өткен жылдардың жүлдегерлері және т. б. бағалады.

Байқау жеңімпаздары:

- 10-15 жас аралығындағы топта «Концепт» номинациясы бойынша – «Twinkle» (Көкшетау қаласы) командасының мүшелері Дәуренбек Сәкен және Болат Айдамир . Балалар заманауи «IT-ойын-сауық паркі» тұжырымдамасын әзірледі.

Екінші жеңімпаз – құрамында Андрей Дорохин мен Айпара Сыздықова бар «Grad» командасы (Павлодар қаласы). Олар «Firebot» деп аталатын адамның қатысуынсыз өрт сөндіру машинасын жасау жобасын ұсынды;

- 16-21 жас аралығындағы топта «Концепт» номинациясы бойынша – Фараби Самаликов пен Мұхтар Оразбай (Атырау қаласы, «FM Team» командасы). Олар ерекше қажеттіліктері бар адамдардың аяқ-қолын оңалтуға арналған белсенді-пассивті тренажерды ойлап тапты;

– 10-15 жас аралығындағы топта «Прототип» номинациясында – Әділет Шалқарұлы және Дария Сексенбаева (Талдықорған қ., «Future-IT»). Байқауға қатысушылар «ерекше қажеттіліктері бар адамдарға арналған білезік» жасады. Білезік адамдарға қажетті автобус бағытын, автобус желісін табуға, қандай да бір кедергінің қаншалықты жақын екенін анықтауға көмектесетін эхолокатор ретінде әзірленген;

- 16-21 жас аралығындағы топта «Прототип» номинациясы бойынша – Даниил Белов пен Анастасия Воронкова («Роботрек-Ақтау»). Олар «Брайль шрифтін өз бетінше оқып үйрену» жобасының авторлары. Құрылғы нашар көретін және зағип адамдарға жазуды және оқуды үйренуге көмектеседі. Құрылғы батырмасын басу арқылы адам әріп дыбысын естіп қана қоймай, саусақтың көмегімен оның қалай белгіленетінін сезінуге болады.

Байқау жеңімпазы атанған бұл жобалардан бөлек, финалға шыққан жобалар да өнертапқыштығымен ерекшеленді. Мысалы Матвей Рыбалкин мен Даниил Едгуловтың (Алматы қаласы) «City helper» құрылғысы. Ол көзі нашар көретін адамдарға қажетті аялдаманы табуға, автобус таңдауға көмектесетін коммутатор сағат.

Тағы бір қызықты жоба – финалист Арлан Мұхамеджанов пен Владислав Просековтың (Петропавл қаласы) «Аэропоника» жобасы. Олар өсімдіктерді суды үнемді пайдалану арқылы суғаруға, робототехника арқылы егін жинауға және барлық процестерді қашықтан бақылауға мүмкіндік беретін жүйені ойлап тапты.


Біздің каналымызға жазылыңыз:

Бөлісіңіз:

Автор:

Аяулым Алтынбек

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT