Жаңбыр, тұман, бұрқасын: Жұма күні ауа райы қандай болады
Скандинавия аймағынан келген циклонның әсерінен Қазақстанның басым бөлігінде жауын-шашын (жаңбыр, қар) жауады, жел күшейеді, кей жерлерде тұман түсіп, көктайғақ болады.
Тек еліміздің оңтүстік-батысында ғана солтүстік-батыс антициклонының әсерінен күн ашық болады.
Шығыс Қазақстан, Жамбыл облыстарының кей жерлерінде тұман түсіп, көктайғақ күтіледі, жел қарқыны 25 м/с дейін күшеюі мүмкін. Шығыс Қазақстан облысында жаяу бұрқасын болады.
Ақмола, Қарағанды, Солтүстік Қазақстан облыстарының кей жерлерінде көктайғақ болады, жел жылдамдығы 15-20 м/с дейін күшейеді. Ақмола, Қарағанды облыстарының кей жерлерінде жаяу бұрқасын көтеріледі.
Қостанай, Павлодар облыстарының кей жерлерінде тұман түседі, көктайғақ болады. Жел екпіні - 15-20 м/с.
Түркістан, таңертен және күндіз Алматы облыстарының кей жерлерінде жел қарқыны 17-22 м/с дейін жетеді.
Батыс Қазақстан, Ақтөбе облыстарының кей жерлерінде тұман түседі. Күндіз Батыс Қазақстан облысында жел жылдамдығы 15-20 м/с дейін күшейеді