18:23, 06 Сәуір 2020 | GMT +6
Жаназаға барған елордалық Жамбыл облысының 6 тұрғынына коронавирус жұқтырды
ТАРАЗ. ҚазАқпарат - 6 сәуірде Жамбыл облысында коронавирус инфекциясын жұқтырудың 6 жағдайы анықталды, деп хабарлайды ҚазАқпарат coronavirus2020.kz сайтына сілтеме жасап.
Науқастар 1958, 1963, 1968, 1971, 1988 және 2001 жылы туған Қордай ауданының тұрғындары.
Алдын ала мәліметтер бойынша, олар 17 наурызда Қордай ауданына туысының жерлеу рәсіміне келген Нұр-Сұлтан қаласының 30 жастағы тұрғынынан жұқтырған.
«Олармен байланыста болған адамдарды анықтау, карантин стационарына орналастыру, зертханалық зерттеуге материалдарды саралау жұмыстары жүргізіліп жатыр. Бұдан бөлек, санитарлық-эпидемиялық қызмет олардың тұрғылықты мекенжайлары мен болған орындарын дезинфекциялап жатыр», - делінген ақпаратта.