+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Жамбылдық дәрігерлерге 18 реанимобиль мен 8 «жылжымалы медициналық кешен»  берілді

2020 жылғы 22 қазан 18:40
Бөлісіңіз:
Жамбылдық дәрігерлерге 18 реанимобиль мен 8 «жылжымалы медициналық кешен»  берілді

ТАРАЗ. ҚазАқпарат – Жамбыл облысында денсаулық сақтау мекемелерінің материалдық-техникалық базасы жаңартылуда, деп хабарлайды ҚазАқпарат тілшісі.

Ұқсас жаңалықтар
Тұмау тарайтын уақытта коронавирустың да белсенділігі байқала бастады - дәрігер Шығыс Қазақстанда 15 ПТР-зертхана жұмыс істеп тұр Коронавирус: ШҚО-да науқастарға 350 дозадан астам иммундық плазма құйылды

Бүгін салтанатты жағдайда аймақ басшысы Бердібек Сапарбаев медицина қызметкерлеріне заманауи жабдықтармен жабдықталған жаңа автокөліктердің кілттерін табыстады.

Отандық өндірістерде жабдықталған жылжымалы медициналық диагностикалық кешендер сегіз аудандық аурухананың балансына берілді. Сондай-ақ, облыстық жедел жәрдем станциясының паркі «Hyundai» маркалы 18 реанимобильмен толықты.

«Мемлекет басшысының негізгі саясатының басым бағыттарының бірі – Денсаулық сақтау саласын жаңғырту. Барлық ресурстар қазақстандықтардың өмірі мен денсаулығын қорғауға бағытталуы керек. Медициналық ұйымдар қажетті құрал-жабдықтармен қамтамасыз етіліп, төсек қоры мен инфрақұрылымы жаңартылуда. Дәрігерлердің жалақысы көтерілуде. Біздің облыста денсаулық сақтау саласына шамамен 5 миллиард теңге инвестиция салынды. Қазіргі таңда коронавирустың ықтимал екінші толқынына қызу дайындық жүруде. Атап айтсақ, екі айлық дәрі-дәрмек қоры қалыптасып, 2530 төсек-орын дайындалды, жабдықтар сатып алынуда. Асфендияров атындағы Ұлттық медициналық университетімен бірлесіп кадрларды даярлау бойынша ісі қолға алынып жатыр», - деген Бердібек Сапарбаев медицина қызметкерлеріне жанқиярлық еңбектері үшін алғыс білдіріп.


Ол жаңа технология дәрігерлердің науқастарға жетуін тездетіп, медициналық көмектің сапасын арттыратынына сенім білдірді.

Медициналық жылжымалы кешендер жалпы қабылдау бөлмелері, акушер-гинеколог, сәулелік диагностика, жалпы тәжірибелік дәрігер алаңдары, талдаулар қабылдау орны, дәріхана пункті, сараптамалық кластағы портативті УДЗ, айналасына қауіпсіз рентген және флюорографиямен қамтылған. Мүмкіндігі шектеулі жандарға арналған пандус-лифті бар.

Денсаулық сақтау басқармасының басшысы Әсет Қалиев бұған дейін облыстың үш ауданы жылжымалы медициналық диагностикалық кешенге ие болғанын атап өтті. Ал, бүгінгі кешендер қалған аудандық ауруханаларға жеткізіледі. Осылайша, барлық он аудан және облыс орталығы жылжымалы кешендермен қамтамасыз етіліп отыр.


«Тағы 48 жедел жәрдем көлігі сатып алынады. Жедел жәрдем мен жылжымалы медициналық кешендер дәрігерлердің шалғайдағы ауылдарға жетуіне көмектеседі»,- деді Әсет Қалиев.

Салтанатты шара барысында 12 жамбылдық денсаулық сақтау қызметкері «Халық алғысы» медалімен марапатталды.

Өз кезегінде медицина қызметкерлері де жан-жақты қолдауларға ризашылықтарын білдірді. Дәрігерлер осындай кешендердің арқасында ауыл тұрғындарына сапалы көмек көрсете алатындықтарын, бұл облыс тұрғындарының денсаулығын жақсартуға ықпал ететіндігін атап өтті.


Біздің каналымызға жазылыңыз:

Бөлісіңіз:

Автор:

Ақерке Дәуренбекқызы

Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT