+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Жамбылда жеңіл өнеркәсіпті дамыту жолға қойылмақ

2019 жылғы 11 желтоқсан 00:23
Бөлісіңіз:
Жамбылда жеңіл өнеркәсіпті дамыту жолға қойылмақ

ТАРАЗ. ҚазАқпарат – Жамбыл облысында жеңіл өнеркәсіпті дамыту бойынша кешенді шаралар қолға алынбақ. Ол бойынша тиісті зерделеу жүмыстары жүргізіліп, нақты қадамдарға негізделген жұмыс жоспары құрылмақ. Бүгін облыс әкімдігінде өткен кеңесте облыстағы аталған саланы дамыту мәселелері талқыланды, деп хабарлайды ҚазАқпарат.

Ұқсас жаңалықтар
Атырау облысында өндірілген өнеркәсіп өнімінің көлемі 2,5 трлн теңгеге жуықтады Биыл құны 1,1 трлн теңге болатын 160 жоба іске асырылады Өңдеуші  өнеркәсіп өнімінің экспорты  18,6 пайызға төмендеді

Аймақ басшысы Асқар Мырзахметовтың төрағалығымен өткен жиынға жауапты тұлғалар мен бірқатар кәсіпкерлер қатысты.

Айта кетейік, жеңіл өнеркәсіп саласында өткен жылы өңірде 3,4 миллиард теңгенің өнімі өндірілсе, ағымдағы жылдың он айында ол көрсеткіш 2,2 миллиард теңгені құраған. Бұл орайда өндірілген өнімнің басым бөлігі «Тараз былғары аяқ киім» ЖШС-іне тиесілі. Аталған кәсіпорын өткен жылы жалпы шығарылған өнімнің 55 пайызын өндірген. Сондай-ақ, бұл тұрғыдағы шетелдік импорттың көлемі 3,8 миллиард теңгеге тең.

Басқосу барысында салаға серпін беріп, тіркелген кәсіпорындардың жүктемесін күшейтуге кедергі болып отырған бірқатар жайттар назарға алынды. Айталық, арнайы сертификат алу, сертификаты алудағы сараптама құнының қымбаттығы, кадр тапышылығы, шикізаттың жетіспеуі, техникалардың тозуы секілді мәселелер бұл бағытта қолдаудың керектігін байқатты. Асқар Исабекұлы осыған айрықша назар аударып, жергілікті және отандық тауар өндірушілердің мүддесін қорғау жолында нақты шешімдер қабылдау керектігіне көңіл бөлді. Сертификаттандыру шараларын жеңілдетуге, сұранысты жергілікті кәсіпорындар қала берді отандық тауар өндірушілердің тарапынан қанағаттандырудың маңыздылығына тоқталды. Ол үшін жауапты тұлғаларға қолдаудың бар тетіктерін қарастыруды, келісімшарт талаптарын қайта нақтылауды тапсырды.

Жиында бірқатар кәсіпорын басшылары өз кәсіптерін кеңейту үшін кездесіп отырған түйінді түйткілдерін тоқталып, орамды ой-пікірлерін ортаға салды. Олардың дені кадр тапшылығы мен жер мәселесін алдыға тартты. Өңір басшысы оларды шешу бойынша тиісті тұлғаларға хаттамалық тапсырмалар жүктеп, бақылауда болатынын баса айтты.

Біздің каналымызға жазылыңыз:

Бөлісіңіз:

Автор:

Қажы Мұрат

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT