+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Жамбыл өңірінде ауаны ластайтын көліктермен күрес күшейтілді

2019 жылғы 12 қазан 14:32
Бөлісіңіз:
Жамбыл өңірінде ауаны ластайтын көліктермен күрес күшейтілді

ТАРАЗ. ҚазАқпарат – Жамбыл облысының Полиция департаменті ауаға зиянды заттар шығару арқылы қоршаған ортаға залал келтіретін автокөліктерді анықтау мақсатында рейд өткізуде, деп хабарлайды ҚазАқпарат тілшісі.

Мамандардың айтуынша, бүгінгі таңда көліктер атмосфераны ластаудың және өңірдегі экологиялық жағдайдың нашарлауының негізгі себептерінің бірі болып табылады.

Өкінішке орай, талаптарға сай келмейтін көлік құралдары әлі де көп. Облыста өтіп жатқан «Таза ауа» жедел-алдын алу шарасының алғашқы үш күнінде ҚР Әкімшілік құқықбұзушылық туралы кодекстің 334-бабы бойынша 200-ден астам жүргізуші жауапкершілікке тартылғаны соның дәлелі. Аталған бапқа сәйкес екі айлық есептік көрсеткіш мөлшерінде айыппұл қарастырылады. Ал құқықбұзушылық екінші рет қайталанған жағдайда айыппұл мөлшері бес айлық есептік көрсеткішке дейін артады. Сондай-ақ мемлекеттік нөмірді алып қою көзделген.

«Бүгінде облыс орталығының жолдарында қоғамдық көліктердің саны артуда. Оның басым бөлігі экологиялық нормаларға сәйкес келмейді. Осыған байланысты облыс әкімінің тапсырмасына орай жедел-алдын алу шаралары өтуде. Анықталып жатқан бұзушылықтардың көпшілігі жолаушылар автобустарына қатысты болып отыр. Сондықтан қазіргі уақытта атмосфераға зиянды заттар шығаратын осы санаттағы көліктерді азайту бойынша ауқымды жұмыстар жүргізілуде. Жүргізушілермен қатар автобус парктерінің иелері де қатаң жауапкершілікке тартылады», - дейді облыстық Полиция департаментінің басшысы Арман Оразалиев.

Сондай-ақ, аталмыш департамент мамандары тұрғындарды өз көліктеріңізді экологиялық заңнама талаптарына сәйкес ретке келтіруге шақырып, бұл бағыттағы жұмыстар үнемі жүргізілетінін ескертті.

Біздің каналымызға жазылыңыз:

Бөлісіңіз:

Автор:

Ғибрат Сембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT