13:49, 18 Сәуір 2018 | GMT +6
Жамбыл облысында медициналық анықтамалар «OLX» арқылы сатылған
ТАРАЗ. ҚазАқпарат - «OLX» жарнама сайтында жарияланған хабарландыру сыбайлас жемқорлыққа қарсы тексерулерге себеп болған, деп хабарлайды ҚазАқпарат тілшісі ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Жамбыл облыстық департаменті баспасөз қызметіне сілтеме жасап.
Ведомстводан хабарлағадай, сайттардың біріне жүргізілген тексеру барысында медициналық анықтамаларды сату туралы ұсыныстар табылған. Атап айтқанда, «086/у медкомиссиясы, жұмыс, оқу» үлгісіндегі анықтама қағаздарын сату ұсынылған. «Жас Отан қоры» корпоративтік қорының қызметкерлері жасырын сатып алушы әдісімен №7 қалалық емхананың қызметкері Б.Досымбековамен хабарласып, дәрігерлердің қолы мен мөрі қойылған медициналық анықтаманы тексеруден өтпей-ақ алған.
Тергеу нәтижесінде Б.Досымбековамен еңбек шарты бұзылып, емхананың бес қызметкері түрлі тәртіптік жазаға тартылды.
Фото: kto-chto-gde.ru