+7 (701) 759 90 19
USD 419.87 EUR 508.04
RUB 5.7 CNY 65
Jańalyqtar

Жамбыл облыстық мәслихатының құрамы 76,7 пайызға жаңарды

2021 жылғы 16 қаңтар 03:14
Бөлісіңіз:
Жамбыл облыстық мәслихатының құрамы 76,7 пайызға жаңарды

ТАРАЗ. ҚазАқпарат – «Nur Otan» партиясының облыстық филиалында жаңа шақырылған облыстық мәслихаттағы партия фракциясының алғашқы отырысы өтті,- деп хабарлайды ҚазАқпарат тілшісі.

Жиынды партияның Жамбыл облыстық филиалының төрағасы, облыс әкімі Бердібек Сапарбаев ашып, жүргізіп отырды. Бұл туралы партия филиалының баспасөз қызметі хабарлады.

Бұл жолы сайланбалы органның 36 депутатының 30-ы «Nur Otan» партиясынан сайланды. Ал, 3-і «Ауыл» ХДПП, 3-і «Ақжол» ҚДП-нан екенін атап өткен жөн. Партия облыстық филиалының төрағасы облыстық мәслихаттағы депутаттардың сапалық құрамына да тоқталып өтті. Сондай-ақ, аймақ басшысы облыстық мәслихаттың құрамы 76,7 пайызға жаңарғанын тілге тиек етті.

Бұл шақырылымдағы «Nur Otan» партиясы депутаттарының ішінде әйелдер мен жастардың үлесі 40 пайызға дейін өскен. Депутаттардың 43,3 пайызы бизнес, өнеркәсіп және ауыл шаруашылығы сынды экономиканың нақты салаларының өкілдерінен тұрады. Облыстық мәслихаттағы «Nur Otan» партиясынан сайланған депутаттық корпус тоғыз ұлттың өкілінен жасақталды. Олардың қатарында көпбалалы аналар, мүмкіндігі шектеулі жандар да бар. Мәслихаттағы депутаттардың орташа жасы 60-тан 48 жасқа дейін төмендеді.


Фракция отырысының күнтәртібіне сай партия облыстық филиалы Саяси кеңесі бюросының шешімімен облыстық мәслихаттағы «Nur Otan» партиясының фракция жетекшісі тағайындалды. Бұл қызметті «ҚазФосфат» жауапкершілігі шектеулі серіктестігінің директоры, Еңбек Ері Мұқаш Ескендіров атқарады. Мұнан өзге Фарида Жүнісова, Гулам Умаров және Арман Еділбаев сынды депуттатар облыстық мәслихаттағы тұрақты комиссияларға жетекшілік етпек.


Біздің каналымызға жазылыңыз:

Бөлісіңіз:

Автор:

Сая Сембай

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT