11:42, 17 Сәуір 2018 | GMT +6
Жалғас Жұмағұлов Еуропаның үздік 5 жекпе-жек шеберінің қатарына кірді
АСТАНА. ҚазАқпарат - Қазақстандық ММА шебері Жалғас «Жако» Жұмағұлов (11-3) жеңіл салмақтағы Еуропаның ТОП-5 тізіміне енді, деп хабарлайды «SPORTINFORM» САА.
Қазақстандық «FIGHT NIGHT GLOBAL 86» турнирінде америкалық нокаутшы Тайсон Нэмді жеңгеннен кейін беделді fightmatrix.com сайтының нұсқасы бойынша үздік еуропалық жекпе-жек шеберлері рейтингінде бесінші орын алды.
Жеңіл салмақтағы Еуропаның ТОП-5 үздік балуандары мыналар:
1. Асқар Асқаров (9-0-0, Ресей),
2. Юнус Евлоев (22-8-0, Ресей),
3. Али Багаутинов (17-6-0, Ресей),
4. Магомед Бибулатов (14-1-0, Ресей),
5. Жалғас Жұмағұлов (11-3-0, Қазақстан).
Айта кетейік, осы рейтингте жеңіл салмақта 11-орында қазақстандық Арман Әшімов (8-2-1), 51-позицияда отандасымыз Асу Алмабаев (6-2-0) тұр.