+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Зарина Дияс Страсбург турнирінің екінші айналымына шықты

2020 жылғы 21 қыркүйек 17:23
Бөлісіңіз:
Зарина Дияс Страсбург турнирінің екінші айналымына шықты

НҰР-СҰЛТАН. ҚазАқпарат – Қазақстандық Зарина Дияс Страсбург WTA турнирінің екінші айналымына шықты, деп хабарлайды ҚазАқпарат тілшісі.

Ұқсас жаңалықтар
Теннис: Елордада алғаш рет Astana Open турнирі өтеді Александр Бублик әлемдегі үздік елу теннисшінің қатарына қайта кірді Теннис: Бублик жұптық сында Санкт-Петербург турнирінің финалына шыға алмады

Әлемнің 72-ракеткасы З.Дияс алғашқы айналымда дүниежүзілік рейтингте 79-орында тұрған америкалық Кристина Макхэйлмен күш сынасты.

Заринаның бастапқыда қарсыласы чехиялық Барбора Стрыцова болып белгіленгенімен, ол келмей қалды да, орнына америкалық спортшы шықты.

Үш сетке созылған матч өте тартысты өтті.

Бірінші партияда тай-брейкте К.Макхэйл басымдылық көрсетті – 7:6 (7:4).

Екінші сетте Зарина Дияс есе қайырды – 7:5.

Үшінші, шешуші партияда әуелі қазақстандық теннисші брейк жасап, алға шыққанымен, қарсыласы да қарап қалмады. Дегенмен есеп 4:4 болғанда, Зарина брейкке қол жеткізді. Әйтсе де матчқа доп бергенде, сол мүмкіндігін пайдалана алмады. Ақыры кездесу тағдыры тай-брейкте шешіліп, онда қазақстандық теннисші жеңісті жұлып алды – 7:6 (7:3).

Бәсеке 3 сағат 11 минутқа созылды.

Зарина екінші айналымда US Open турнирінің 2017 жылғы чемпионы, әлемнің 33-інші, турнирдің 8-ракеткасы, америкалық Слоан Стивенс немесе рейтингте 83-сатыдағы жапониялық Нао Хибиноның біреуімен сынға түседі.

Еске сала кетейік, бұдан бұрын Д.Попконың Ролан Гаррос доасының іріктеу сайысын сәтті бастағанын, Е.Рыбакинаның Страсбург турнирінде жеңіске жеткенін жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT