+7 (701) 759 90 19
USD 420.29 EUR 506.87
RUB 5.66 CNY 64.73
Jańalyqtar

Вице-премьер: Үкімет отандық кәсіпорындарға жан-жақты қолдау көрсетеді

2020 жылғы 24 қараша 16:04
Бөлісіңіз:
Вице-премьер: Үкімет отандық кәсіпорындарға жан-жақты қолдау көрсетеді

ТАРАЗ. ҚазАқпарат – Жамбыл облысына жұмыс сапары барысында ҚР Премьер-Министрінің орынбасары Ералы Тоғжанов бастаған үкіметтік делегация коронавирустық инфекцияның ықтимал жаңа толқынына дайындықты тексерді, деп хабарлайды ҚазАқпарат тілшісі.

Таразда вице-премьер қалалық 200 төсектік көпбейінді ауруханасының инфекциялық бөлігінде болды. Бұрынғы перинаталдық орталықтың ғимараты күрделі жөндеуден өтіп, барлық заманауи стандарттарға сай келетін және медициналық жабдықтармен толық қамтамасыз етілген инфекциялық аурухана болып жабдықталған. Қазіргі таңда мұнда 200 медициналық көпфункционалды төсек, компьютерлік томограф, компьютерлік томограф, 20 ӨЖЖ, екі дефибриллятор, қандағы газдар мен электролиттерді анықтайтын автоматтандырылған анализатор, оттегі станциясы, 30 реанимациялық төсек сатып алынды.

«Науқасқа ӨЖЖ қажет болатын асқынулардың алдын алу және болдырмау қажет»,-деп атап өтті вице-премьер медицина қызметкерлеріне қарата.

Сондай-ақ, вице-премьер облыстық көпбейінді аурухананың жанындағы «Қамқорлық» оңалту орталығына барды. Орталық Қазақстан Республикасының Тұңғыш Президенті – Елбасы қоры әзірлеген «Қамқорлық» жобасы аясында ашылған. Жоба мүмкіндігі шектеулі балаларды қолдауға бағытталған. Мұндағы балаларға кешенді түрде медициналық, әлеуметтік-психологиялық және педагогикалық қызметтер көрсетіледі.

Жергілікті бюджет есебінен ағымдағы жылы 70 миллион теңгеге ғимарат жөндеуден өтті. Медициналық құрал-жабдықтар сатып алуға 1,1 миллиардқа жуық теңге бағытталған. Орталық ДЦП-мен ауыратын балаларға арналған арнайы велосипедтері бар автодром және бассейнмен жабдықталған. Науқастар иппотерапия қабылдайды. Швейцариялық «Lokomat» тренажерін сатып алынған.

Аурухана аумағында вице-премьер медициналық қызметкерлерге 18 заманауи реаномобиль кілттерін табыстады. Олар облыстық жедел жәрдем станциясының паркін толықтырды.

Жамбыл ауданында Ералы Тоғжанов медициналық бұйымдарды ірі жеткізушілерінің бірі болып саналатын «Super-pharm» ЖШС-нің зауытына барды. Зауыт үдемелі индустриялық-инновациялық дамыту бағдарламасы аясында 2011 жылы пайдалануға берілген. Кәсіпорынның өндірістік қуаттылығы жылына шамамен 200 миллион медициналық мақсаттағы бұйым шығаруға қауқарлы.


Өндіріс орнында 480 адам жұмыс істейді. Жыл соңына дейін жұмысшылар санын 600-ге дейін арттыру жоспарлануда. Кәсіпорын бір реттік маскалар, бір реттік төсек-орын жапқыш-жиынтықтары, бахилалар, комбинезондар, бас киімдер, операциялық халаттары секілді барлығы 300-ге жуық бұйым түрін шығарады.

Вице-премьер Үкімет ағымдағы мәселелерді шешу үшін отандық кәсіпорындарға жан-жақты қолдау көрсетілетіндігін баса айтты.

Еске салсақ, Жамбыл облысына сапары барысында Ералы Тоғжанов COVID-19-ға қарсы отандық вакцина шығаратын зауытты салу барысымен танысты.


Біздің каналымызға жазылыңыз:

Бөлісіңіз:

Автор:

Сая Сембай

Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT