07:26, 29 Қазан 2020 | GMT +6
Вьетнамда көшкін жеті адамның өмірін қиып кетті, 46-сы із-түзсіз жоғалған
НҰР-СҰЛТАН. ҚазАқпарат – Вьетнамдағы Куангнам провинциясында болған екі көшкін жеті адамның өмірін қиып кетті, 46-сы із- түзсіз жоғалған. Бұл туралы ҚазАқпарат VnExpress порталына сілтеме жасап хабарлайды.
Бір-біріне таяу маңда болған көшкіннің екеуі де «Молаве» тайфуны салдарынан орын алған.
Порталдың атап өтуінше, елдің премьер-министрі Нгуен Суан Фук төтенше жағдайда жедел әрекет ету және іздеу- құтқару жұмыстары бойынша ұлттық комитеттен жоғалғандарды іздеуге көмектесуді сұрады.
Метеорологтардың бағалауынша, «Молаве» соңғы 20 жыл ішіндегі елге төнген ең қуатты тайфун болып отыр.