«Үздік педагог» байқауы өтуде

Байқауға облыстық білім басқармасы, облыстық білім беру саласында ақпараттандыру және оқыту-әдістемелік жұмыс, жаңа технологиялар және облыстық мониторинг орталығы мұрындық болып отыр.

Алғашқы болып байқаудың шымылдығын облыстағы техникалық-кәсіби білім беру ұйымдарының педагогтары ашты.

«Аталған байқаудың мақсаты - ұстаздар арасында талантты, өз ісінің майталман шеберлерін анықтап, қолдау көрсету және олардың инновациялық педагогикалық тәжірибесін өзгелерге көрсету арқылы педагогтардың еңбегінің оң имиджін қалыптастыру болып табылады», - дейді облыстық білім басқармасы басшысының орынбасары Е.Шеленжек.

Байқауға техникалық-кәсіби білім беру ұйымдардан 25 мұғалім қатысуда. Байқау «Ұстаздың өзін-өзі көрсетуі», «Менің кәсіби ұстанымым», «Шығармашылық зертхана» көрмесі және «Шеберлік сынып» сияқты кезеңдерден тұрады.