+7 (701) 759 90 19
USD 432.55 EUR 470.83
RUB 5.84 CNY 61.31
Jańalyqtar

Үржарлық көпбалалы аналар: Күніне мың дана маска тігіп, тегін таратамыз

2020 жылғы 21 наурыз 20:20
Бөлісіңіз:
Үржарлық көпбалалы аналар: Күніне мың дана маска тігіп, тегін таратамыз

ҮРЖАР. ҚазАқпарат – Шығыс Қазақстан облысы Үржар ауданы Мақаншы ауылындағы көпбалалы аналар игі істерді қолға алуда. Қарттарға, аз қамтылған отбасыларға азық-түлік жеткізіп беріп жатқан олар енді бірнеше мәрте пайдалануға болатын медициналық маскалар тігуде.

Ұқсас жаңалықтар
Қазақстанда коронавирус жұқтырғандар саны 800-ден асты Теңіз вахта қалашығында коронавирус жұқтырған әйелмен байланыста болғандар карантин тәртібін бұзды «Көмек-2020»: Қарағанды облыстық қоғамдық қорына 270 млн теңге түсті

Бұл жайлы ҚазАқпарат тілшісіне көпбалалы аналардың бірі Рысалды Мұхаметқалиева айтып берді.

«Ауылдағы көпбалалы аналар WhatsApp мессенджерінде топ ашқанбыз. Сол жерде бәріміз ақылдасып, қол қусырып отырмай, пайдалы іс жасауға бекіндік. Кәсіпкерлердің қолдауымен азық-түлік алып, зейнеткерлерге, жағдайы төмен жанұяларға жеткізіп бердік. Бірақ осымен шектеліп қалғымыз келмеді», - дейді ол.

Ойлана келе, аналар дәріханаларда тапшы болып жатқан медициналық маска тігуге бел байлаған. Бұл бастамаға Үржар ауданының әкімі Нұржан Тоқсейітов те қолдау білдіріп, қажетті материалдармен қамтамасыз етіпті.


«Жоспар бойынша күніне мыңға жуық маска тігіп, кешке қарай зейнеткерлерге, аз қамтылған отбасыларға, көпбалалы жанұяларға таратамыз. Еш ақысыз. Елімізге келген уақытша сынақтарды бірге еңсереміз. Ең бастысы, осындай қиыншылықты жеңу жолында жұмыла әрекет етейік», - дейді Рысалды Мұхаметқалиева.

Жалпы, ауданда жұқпалы індеттің алдын-алу бойынша шұғыл әрекет ету топтары құрылған. Барлық қауіпсіздік шаралары қолға алынып, жүзеге асырылуда.


«Игі істі қолға алған аналар қауымы көпшілікке үлгі көрсетуде. Осындай бастамаларға әркез қолдау көрсетуге әзірміз», - дейді аудандық ішкі саясат бөлімінің басшысы Елдос Бейсенов.


Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT