16:44, 22 Тамыз 2017 | GMT +6
Универсиада-2017: Дзюдошы Шәймерденов Қазақстанға бесінші медаль әперді
АСТАНА. ҚазАқпарат - Қазақстандық дзюдошы Бекәділ Шәймерденов Қытайдың Тайбэйінде өтіп жатқан жазғы 2017 жылғы универсиаданың қола жүлдегері атанды, деп хабарлайды Sports.kz.
73 келіге дейінгі салмақ дәрежесінде үшінші орын үшін айқаста тунистік Реда Бугеруаны жеңді.
Бұдан бұрын аталмыш Универсиадада ауыр атлетші Арли Чонтей мен суда жүзуші Дмитрий Баландин қола жүлдеге ие болған еді. «Алтынды» штангистер Альберт Линдер мен Айдар Қазов жеңіп алды.