Ұлыбритания Алматыда цифрлық жобаларды жүзеге асыруға ниетті
Кездесу барысында креативті индустрияны дамыту, сонымен қатар білім, денсаулық сақтау салаларында бірлескен жобаларды жүзеге асыру бойынша ынтымақтастықты дамыту мәселелері талқыланды.
Халықтың жайлы өмір сүруі үшін қала кеңістігін одан әрі абаттандыруды басты мақсат еткен «Алматы-2050» стратегиясына, мегаполисті «шеті жоқ қала» қағидаты бойынша дамытуға жете назар аударылды.
Атап айтқанда, Алматыны мәдени креативті қала, инновация мен «жасыл білімнің» жаңа индустриясының орталығы ретінде қалыптастыру тетіктері қаралды. Ұлыбритания Елшілігі цифрлық мәдениет саласында бірлескен жобаларды жүзеге асыруға қызығушылықтарын білдірді.
Тараптар бірлескен ынтымақтастықтың маңызын және кең ауқымды мәселелер бойынша өзара байланысты одан әрі тереңдетуге ынталы екендіктерін атап өтті.