+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Ұлтым өзбек болғанымен, жүрегім қазақ деп соғады – қатардағы жауынгер

2021 жылғы 7 мамыр 15:00
Бөлісіңіз:
Ұлтым өзбек болғанымен, жүрегім қазақ деп соғады – қатардағы жауынгер

ОРАЛ. ҚазАқпарат – Ұлтым өзбек болғанмен, жүрегім қазақ деп соғады. ҚР Ұлттық ұланы «Батыс» өңірлік қолбасшылығына қарасты 5517-әскери бөлімінің мерзімді қызмет сарбазы, қатардағы жауынгер Руслан Бақтияров осылай мәлім етті, деп хабарлайды ҚазАқпарат тілшісі.

Өзінің айтуынша, Руслан Түркістан облысында туып-өскен. Өткен жылдың желтоқсан айынан бері Оралда әскери борышын атқаруда.

Қатардағы жауынгер ұлты құжатта өзбек деп жазылғанымен, шындығына келгенде, жүрегі қазақ деп соғатынын жасырмады. Өйткені қазақ пен өзбек атам заманнан бері ауылы аралас, қойы қоралас, төсекте басы, төскейде малы қосылған туысқан халық.

«Қазіргі таңда Орал қаласында орналасқан 5517-әскери бөлімінде мерзімді қызмет атқарамын. Біздің ротада қарулас достарым арасында қазақ, татар, украин, белорус, әзербайжан, қырғыз және басқа ұлт өкілдері баршылық. Бәріміз де татумыз, өйткені біздің күшіміз бірлікте. Күні бүгін көптеген сабаздар тәуелсіз Қазақстанның тыныштығын қорғау барысында қайсарлықтың, әскери шеберліктің үлгісін көрсетуде. Түптеп келгенде, айтарым, біз қай ұлттың өкілі болсақ та, қасиетті Отанымызды қорғауға дайын тұруымыз керек. Әскери борышымды абыроймен өтеп, еліме қайтсам деймін», деді Р.Бақтияров.

Еске сала кетейік, бұдан бұрын көпірден секірген әйелді құтқарған оралдық әскери қызметшінің медальмен марапатталғанын жазған болатынбыз.

Сондай-ақ Бақыт Алазов тәртіп пен тәрбиенің әскери қызметтің қос қанаты іспеттес екендігін мәлім етті.


Біздің каналымызға жазылыңыз:

Бөлісіңіз:

Автор:

Елжан Ералы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT