15:29, 18 Қараша 2020 | GMT +6
Ұлттық құндылықтарды бағалаған елдің қашанда рухы биік - Аида Балаева
НҰР-СҰЛТАН. ҚазАқпарат – Ұлттық құндылықтарын бағалап, санасын саралай білген елдің қашанда болмысы бөлек. Бұл туралы ҚР Ақпарат және қоғамдық даму министрі Аида Балаева мәлім етті, деп хабарлайды ҚазАқпарат тілшісі.
«Ұлттық құндылықтарын бағалап, санасын саралай білген елдің қашанда болмысы бөлек, рухы биік. Содан болар – ұлттық құндылықтар дегенде әдетте халықтың әдет-ғұрпы мен салт-дәстүрін, ана тілі мен өнерін, мәдениеті мен әдебиетін айтамыз. Бұл әрбір азаматтың «ұлттық кодына» басылған қайталанбас дүние. Ал енді, қоғамдық сана – сол «ұлттық кодты» сақтай отырып, әрбір азаматымызды болашаққа баптай білудің бірегей құралы болмақ. Міне, осының бәрі – Елбасының «Болашаққа бағдар: рухани жаңғыру» мақаласының ізімен қабылданған «Рухани жаңғыру» бағдарламасының түпкі мақсаты», - деді министр Сенатта «Ұлттық құндылықтар – рухани жаңғырудың негізі» тақырыбындағы дөңгелек үстел отырысында.