+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Ұлттық кеңесте көпбалы отбасылардың баспана мәселесі көтерілді

2020 жылғы 22 қазан 15:12
Бөлісіңіз:
Ұлттық кеңесте көпбалы отбасылардың баспана мәселесі көтерілді

НҰР-СҰЛТАН. ҚазАқпарат – Бүгін Ұлттық қоғамдық сенім кеңесінің төртінші отырысында кеңес мүшесі Ләззат Қожахметова көпбалы отбасылардың баспана алуы мәселесін көтерді, деп хабарлайды ҚазАқпарат тілшісі.

Ұқсас жаңалықтар

«Тұрғын үй саясаты саласында бір мезетте жеті мемлекеттік оператор жұмыс істейді екен. Бірақ, осы уақытқа дейін баспана кезегінде тұрған адамдардың тізімін ашық жариялайтын республикалық сайт жоқ. Яғни кім кезектен үй алды? Өз кезегімен алып жатыр ма? Жемқорлық фактілері орын алды ма? Осының барлығы ашық түрде сайтта көрінуі керек. Былтыр үй алғандар қазірдің өзінде кезекте тұр, кезек жаңармай жатыр», - деді Л. Қожахметова.

Бұдан бөлек, ол қазір Қазақстанда 30 мыңға жуық көпбалалы отбасы баспана кезегінде тұрғанын жеткізді.

«Оларға арендалық баспана береді. Бірақ жалға берілетін пәтер мұраға қалдырылмайды, атына түспейтіндіктен, халық ипотека алып, өзінің аттарына түсетін меншік үй болғанын қалайды. Бұған байланысты бізде Қазақстанда «7-20-25», «5-10-20» деген бағдарламалар шықты және олар өте жақсы бағдарламалар деп санаймыз. Алайда, осы бағдарламамен үй алудың өзінің қиындықтары бар. Мәселен, осы екі бағдарлама бойынша тек жаңа үйлерге ғана ипотека беріледі. Жаңа үйлердің бағасы қымбат, 15 млн теңгеге бір бөлмелі ғана пәтер алуға болады. Төрт-бес баласы бар отбасыға бір бөлмелі пәтерді 20 жылға ипотекаға алу тиімсіз», - деді кеңес мүшесі.

Осы орайда, «5-10-20» бағдарламасымен ипотеканы екінші нарықтағы, яғни арзан әрі жөндеуден өткен үйлерге беру ұсынысы айтылды.

Бұдан бұрын хабарланғандай, кеңес мүшесі коронавирустың бірінші кезеңінде дағдарыс орталықтарына жүгінген әйел мен бала көбейгенін айтқан болатын.

Оның сөзінше, көпбалалы отбасылар тарапынан бизнес курстарға деген сұраныс жоғары болды.


Біздің каналымызға жазылыңыз:

Бөлісіңіз:

Автор:

Руслан Ғаббасов

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT