Ұлттық кеңес: ЖОО гранттарын алдымен табысы аз отбасылардан шыққан жастарға бөлу ұсынылды
«Мен жоғары білімді дамытудың концептуалды ұсыныстарын әзірледім. Бұл саланы кеңірек бағалау үшін елде үш аңыз барын атап өту керек: бірінші аңыз – «елде студенттердің саны өте көп». Шынында да миллион халыққа есептегенде бізде студенттер саны АҚШ-тан қарағанда екі есе, Малайзиядан қарағанда бір жарым есе аз. Екінші аңыз – «Қазақстанда қазіргі таңда ЖОО-лар саны өте көп». Шынтуайтында Қазақстанда АҚШ, Франция мен Ресейден қарағанда (халық санымен есептегенде) олардың саны аз. Үшінші аңыз – Қазақстанда білім сапасы тиімсіз. Айтарым бізде бұл салаға бөлінетін қаражат тым аз. Бұл салаға қаражат бөлу жағынан (3,3 пайыз) әлемде біз 39- орындамыз», - деді Асылбек Қожахметов Ұлттық қоғамдық сенім кеңесінің кезекті отырысында.
Оның айтуынша Малайзия қорғанысқа қарағанда білімге 13 есе, Корея 8 есе, Грузия 5, Қазақстан 3 есе артық қаражат бөледі.
Осындай мәселелерді тізе келе Ұлттық кеңес мүшесі Асылбек Қожахметов ЖОО-ларда білім гранттарын табысы аз отбасылардан шыққан жастарға беру керектігін айтып өтті.
«Мәселен биыл Оксфорд пен Кембридж университеттеріне сол елдің Үкіметі кедей отбасылардан шыққан балалардың үлесі жалпы абитуриенттердің 7 пайызына теңесуі керектігін тапсырды. Әлеуметтік лифт жұмыс істеуі үшін біз де мемлекеттік гранттарды табысы аз отбасылардан шыққан балаларға беруіміз керек», - деді ол.