Ұлттық банк төлем жүйесі арқылы күніне 3,1 трлн теңге төлем жүргізген

None
None
АЛМАТЫ. ҚазАқпарат – Ұлттық банк орташа есеппен күніне ұлттық төлем жүйелері арқылы жалпы сомасы 3,1 трлн теңгеге 169,3 мың төлем жүргізген, деп хабарлайды ҚазАқпарат тілшісі.

Былтыр Қазақстан аумағында ұлттық валютада жүргізілген қолма-қол ақшасыз төлемдер мен ақша аударымдарының жалпы көлемі 793 трлн теңгені құрады, оның 96%-ы Ұлттық банктің төлем жүйелері (банкаралық ақша аудару жүйесі және банкаралық клиринг жүйесі) арқылы жүргізілді.

«2019 жылы көрсетілген төлем жүйелері арқылы 762,0 трлн теңге сомасына 41,6 млн транзакция жүргізілді. Орташа есеппен күніне ұлттық төлем жүйелері арқылы жалпы сомасы 3,1 трлн теңгеге 169,3 мың төлем жүргізіледі, яғни операциялық күндері орта есеппен минутына 4,4 млрд теңге өтеді»,– деп хабарлайды Ұлттық банктің баспасөз қызметі.

Ұлттық банктің төлем жүйелерінің жұмысқа қабілеттілік коэффициенті 2019 жылы 99,99% болды. Бұл белгіленген нысаналы көрсеткіштен асып түседі және ұлттық төлем жүйелері жұмысының жоғары тиімділігін сипаттайды.


Соңғы жаңалықтар