Ұлттық банк ШОБ-ты кредиттеудің жаңа бағдарламасын жүзеге асыруға кірісті

«Мемлекет басшысының тапсырмасымен қаржылай реттеуші де бизнесті қолдау шараларын қабылдады. Атап айтқанда, Ұлттық банк төтенше жағдай салдарынан зардап шеккен шағын және орта бизнесті жеңілдікпен кредиттеудің жаңа бағдарламасын жүзеге асыруға кірісті. Бұл мақсатқа 600 млрд теңге бөлінді. Кредит 1 жылға дейін кредиттеу мерзімімен 8 пайыздық ставка арқылы айналым қаражатын толықтыруға беріледі», - деді Жасұлан Мәдиев.

Оның атап өтуінше, Қаржы нарығын реттеу және дамыту агенттігі қабылдаған шешімге сәйкес, банктер, микроқаржылық ұйымдар және өзге де қаржылық институттар кредиттер мен шағын кредиттер бойынша негізгі қарыз бойынша төлем кешіктірілгенде айыппұл мен өсімпұл және сыйақы есептемеуі тиіс.

«Сонымен төтенше жағдай енгізілуінің нәтижесінде қаржылық жағдайлары нашарлаған шағын және орта бизнес субъектілерін 90 күнтізбелік күнге дейін төлемдерін төлеуді тоқтата тұрады. Үкімет пен қаржылық реттеушінің ШОБ-ты қолдау бойынша қабылдаған бірлескен іс-қимылы кәсіпорындардың ағымдағыоперациялық қызметін қолдауға мүмкіндік жасап, экономиканың одан ары өсімін ынталандыратын болады», - деді вице-министр.