Үкімет зейнетақы активтерін жеке басқаруға беру мәселесін қарастырып жатыр

АЛМАТЫ. ҚазАқпарат - ҚР Ұлттық банкінің төрағасы Ерболат Досаев зейнетақы жинақтарының бір бөлігін жеке басқаруға беру жұмыстары туралы айтты, деп хабарлайды ҚазАқпарат тілшісі.

Ұқсас жаңалықтар

Жаһандық ЖІӨ 5,2% төмендеуі мүмкін – Сарапшы пандемия салдары туралы

Мемлекет басшысы экономиканы реформалау және жаңғырту бағдарынан айнымайтындығын көрсетті - сарапшы пікірі Қазақстан экономикалық өсімді қашан қалпына келтіре алуы мүмкін – сарапшы пікірі Ұлттық банктің халықаралық резервтері 32,9 млрд долларға жетті

«Күн тәртібіндегі тағы бір маңызды мәселе - зейнетақы активтерінің бір бөлігін жеке басқаруға беру. Зейнетақы активтерін берудің негізгі шарттарын Үкімет пен қаржылық қауымдастық қарастырып жатыр. Бұл қор нарығындағы институционалды сұранысты күшейтеді және зейнетақы активтерін инвестициялық басқарудың бәсекеге қабілетті нарығын қалыптастырады «, - деді Ерболат Досаев «Қаржы нарығы және Қазақстан экономикасының нақты секторы» конференциясында.

«Нарық қатысушыларымен бірлескен жұмыс нәтижесінде қор нарығын реттеуді жан-жақты ырықтандыру және оның инфрақұрылымын оңтайландыру жүзеге асырылды. Бұл шаралар нарықтық шығындарды азайтып, қаржы институттарының инвестициялық мүмкіндіктерін кеңейтті. Әлемдік тәжірибеде жеке инвесторлардың белсенді қатысуы қор нарығының одан әрі өсуінің негізгі шарттарының бірі болып табылады «, - деді ҚР Ұлттық банк басшысы.

Қазір Қазақстанда 55 инвестициялық қор жұмыс істейді. Олардың активтерінің көлемі 2016 жылдың басынан бері 4 есе артып, 237 млрд теңгеге жетті. Бұл ұжымдық инвестициялау нысандарындағы инвесторлардың үлесінің артқандығын көрсетеді.