Учаскелік инспекторларға қатысты жаңа алгоритм қабылданды

«Өткен аптадағы шараларға тоқталмас бұрын, Мемлекет Басшысының халыққа Жолдауында ішкі істер органдарының алдына қойған тапсырмаларын орындау мақсатында, Ішкі істер министрі Ерлан Тұрғымбаевтың Facebook-тегі жеке аккаунты ашылатынын хабарлаймын. Бұл қадам - полицияның ашық, қолжетімді болу процесіне өз үлесін қосады деген сенімдеміз», - деді Нұрділдә Ораз министрліктің Facebook парақшасында өткен брифинг барысында.

Сонымен қатар, оның айтуынша, өткен аптада «курсанттардан бастап Ішкі істер министрлігінің басшылығына дейін полицияның жаңа форматтағы жұмысы қалай болуы тиіс? «деген сұрақты өзара талқылап, Алматыдағы Есболатов атындағы Ішкі істер академиясында пікір таластырды. Ол жерге ЕҚЫҰ-ның жанындағы сарапшылар келіп өз ойларымен бөлісті. Полицейдің жаңа образын жасауда, олардың жұмыс істеу форматын жетілдіруде қазіргі ведомствалық білім берудің тетіктерін қайта қарастырылу қажеттігі айтылды.

«Учаскелік инспекторлардың жұмысы үшін жаңа алгоритм қабылданды. Естеріңізде болса, Мемлекет басшысы Жолдауында учаскелік инспекторлардың мәртебесін жоғарылатуды тапсырған болатын. Осыған орай Ішкі істер министрлігі ЕҚЫҰ жанындағы Бағдарламалар кеңсесінің мамандарымен бірігіп, учаскелік инспекторлардың халықпен қалай жұмыс жасау қажеттігі, өз жұмыстарында қандай бағытта жүруі тиіс екендігі, қызметтік міндетін кіршіксіз атқаруы үшін білуге тиіс ережелер бар жинақтама жасап шықты», - деді ресим өкіл.