ҰБТ-да 136 балл жинаған түлек: Әр пәнге репетитор жалдап, күніне екі-үш сағаттан дайындалдым

ПАВЛОДАР. ҚазАқпарат - Павлодар облысы бойынша ең жоғары балл - 136 ұпайға қол жеткізген № 35 ЖОМ түлегі Айдос Қобыланды тестілеуге қалай дайындалғанын айтып берді, деп хабарлайды ҚазАқпарат pavlodarnews.kz порталына сілтеме жасап.
- Әр пән бойынша репетитор жалдап, күніне екі-үш сағаттан дайындалуға тура келді, - дейді Айдос. – Олар маған көп көмектесті. Менің ойымша, жақсы нәтижеге қол жеткізу үшін репетитормен жеке жұмыс істеген дұрыс. Әрине, ата-анам мен ұстаздарыма да қолдау көрсеткені үшін алғыс айтқым келеді.
Мектеп түлегі күнделікті әдеті бойынша тестілеуге дайындық кезінде де таңертең ерте тұрып жүгіріп, спортпен айналысқан. Сондай-ақ кез келген тамақты жеуден бас тартуға тура келген.
Ал енді үлкен сынақты ойдағыдай тапсырған ол бос уақытында кітап оқып, фильм көргенді ұнататынын айтады.
Болашақ студенттің ендігі жоспары - жоғары әскери оқу орнына түсу үшін нормативтер мен құжат дайындау.
- Мен шекара қызметін таңдадым, - дейді ол. – Бұл - өте тамаша мамандық. Жалпы тест тапсыру кезінде телефон немесе шпаргалка алып кіру қиын, ал өтіп кеткен күннің өзінде оны қолдану мүмкін болмайды. Сондықтан мен өз біліміме сенуге тырыстым.
Еске сала кетейік, 23-30 маусым аралығында Павлодар қаласындағы 37 мектептің 1150 түлегінен ҰБТ-ға 933 (81%), 2019 жылы – 750 (74%) бала қатысқан. Оның ішінде қазақ тілінде – 378, 2019 жылы – 350.
Қала мектептерінің 60 түлегі 100 және одан да көп балл алды.
- Павлодарда бетіне оқ тиген әйел оқиға орнында көз жұмды
- Әл-Фараби атындағы ҚазҰУ-дың ресми ақпараты
- Еуразия ұлттық университетінің өкілдері тікелей эфирден 10 сағат бойы студенттердің сауалдарына жауап берді
- СҚО-да биыл 5 ауыл колледжі заманауи қондырғылармен жарақтандырылады
-
ШҚО мектептерінде 60-қа жуық заңбұзушылық анықталды
-
Павлодар облысына шет мемлекеттерден COVID-19 жұқтырған 108 адам келген
- Елбасы жолдауы
- Жолдау жүктеген міндеттер
- Қазақстан тарихы
- Әлемдік БАҚ Қазақстан туралы
- Жаңа индустрияландыру
- Болашаққа 100 қадам